Ataatsimut isigalugu
Piffissami 2012-mit 2016-imut ilinniarnertuunngorniarfinni ilinniarnerit naammassineqartut katillugit 1.734-usimapput, inuussutissarsiornermilu ilinniarfinni ilinniarnerit naammassineqartut 2.050-iusimallutik.
Tabel 1. Piffissami 2011-mit 2015-imut inuusuttunut ilinniarfinni ingerlatsinerit amerlassusaat, ingerlatanut agguaallugit
Nalunaarut: Naatsorsuutit tamarmik ”ukiup naanerani”-nngaanneerput. Malugiuk, inuk ataaseq eqimattani arlalinni ilaasinnaammat ukiumi ilinniakkamik aallartitsiffiusumi pineqartumi, assersuutigalugu aallartinneqartuni aammalu ingerlatsisuni. Taamatuttaaq inuk ataaseq aallartinneqartuni unitsinneqartunilu ilaasinnaavoq, pineqartoq ukiup ingerlanerani ilinniakkami ataatsimi arlalinniluunniit taama inissisimasutut allassimappat.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11E, http://bank.stat.gl/UDNISC11F, http://bank.stat.gl/UDNISC11G aamma http://bank.stat.gl/UDDISC11GH).
2016-imi ilinniarnertuunngorniarfinni ilinnialersut, ilinniarnermik ingerlatsisut aamma unitsitsiinnartut ikilerialaarsimapput kisianni 2016-imi naammassisut 2015-imut sanilliullugit amerlanerulaarput.
Ukiuni kingullerni inuussutissarsiornermi ilinniarfinni ilinniakkat unitsinneqartut aamma ilinniakkat naammassisat ikileriarsimapput, ilinniakkalli aallartinneqartut aammalu ilinniakkat ingerlanneqartut annikitsumik amerleriarsimapput.